Të mërkurën në Kuvendin e Kosovës do të tentohet të rrëzohet Qeveria e Kosovës, pasi që NISMA për Kosovën ka iniciuar mocionin e mosbesimin për Qeverinë e drejtuar nga Isa Mustafa, ndërkohë që partitë kryesore që gjenden në pushtet, PDK e LDK duket se nuk po mund të merren vesh se si ta procedojnë në Kuvend demarkacionin me Malin e Zi.
Burime të Veriu.info bëjnë të ditur se mocioni i të mërkurës nuk pritet të përkrahet nga deputetët e PDK-së, vota e të cilëve është e domosdoshme për rrëzimin e Qeverisë. Kjo pasi Veriu.info mëson se PDK-ja i ka dhënë afat Isa Mustafës të siguroj deri të premten 30 nënshkrime të deputetëve, me të cilët do ta dëshmoj se i ka votat për kalimin e demarkacionit.
“Nëse LDK i siguron 30 nënshkrime deri të premten, atëherë demarkacioni do të procedohet për në Kuvend dhe do të provohet të votohet për kalimin e tij. Nëse demarkacioni kalon, atëherë me këtë përmbushen shumica e detyrimeve të kësaj qeverie karshi faktorit ndërkombëtar dhe kështu në dakordim me LDK-në do të vendosim për shkuar në zgjedhje të parakoshme. Mirëpo, nëse demarkacioni nuk kalon në votim apo nëse kryeministri deri të premten nuk arrin t’i siguroj 30 nënshkrime, do ta shpërbëjmë Kuvendin e Kosovës me 80 vota, ashtu siç parasheh paragrafi 2 i nenit 82 të Kushtetutës së Kosovës”, thotë burimi i Veriu.info nga PDK-ja.
Ky burim bënë të ditur se zgjedhjet do të mbahen gjithësesi në qershor, por jo përmes votimit të mocionit të mosbesimit të opozitës, por përmes shpërberjes së Kuvendit, i cili pritet të bëhet në fundjavë ose në fillim të javës së ardhshme.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...