Google ADS

Mobilizohet Vetëvendosja, nesër mbahet protesta

10:19 | 27 Maj 2020
V. S.

Lëvizja Vetëvendosje do të mbaj nesër një protestë në qendër të Prishtinës.

Në një përgjigje dhënë arbresh.info, zëdhënësi i kësaj partie, Arlind Manxhuka, ka thënë se kjo nuk është një protestë, por një performancë me 3500 deri në 5000 persona.

“Në vazhdimësi gjatë kësaj kohe kemi pasur kërkesa e interesim të shumtë të qytetarëve për të protestuar në lidhje me zhvillimet në vend. Pas realizimit të suksesshëm të provës së parë nga qytëtarë e aktivistë ne kemi menduar të realizojmë testin e dytë por në përmasa më të mëdha. Pra, kjo sigurisht se nuk është një protestë, por një performancë me 3500 deri në 5000 persona. Në këtë mënyrë për të qenë korrekt dhe përbrenda rregullave e udhëzimeve me organet e rendit ne kemi dorëzuar edhe njoftimin te ta”.

Sipas lajmërimit të LVV-së në Policinë e Kosovës, protesta do të mbahet për dy orë – nga 17:00 deri më 19:00 – të enjten. Përgatitjet teknike të protestës do të fillojnë në orën 16:00./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm