Google ADS

MMPH i jep Mitrovicës gjashtë projekte në vlerë prej 2.5 milionë euro

10:47 | 21 Shkurt 2018
Arbresh.info

Gjashtë projekte në vlerë prej 2.5 milionë euro i ka dorëzuar sot Ministria e Mjedisit dhe Planifikimit Hapësinor në komunën e Mitrovicës.

Memorandumi i bashkëpunimit i nënshkruar nga Ministrja e MMPH-së, Albena Reshitaj dhe kryetari i komunës së Mitrovicës, Agim Bahtiri ka të bëjë me realizimin e projekteve në fushën e mjedisit dhe planifikimit hapësinor, shkruan Arbresh.info.

Ministrja Reshitaj tha me këtë rast se ia kanë borxh qytetarëve të Mitrovicës sepse siç tha, ata i besuan AKR-së dhe kryetarit Agim Bahtiri.

“Jam e lumtur që kam ardhur në Mitrovicë për të sjellë 6 projekte. Ne ia kemi borxh qytetarëve të Mitrovicës sepse ata na besuan neve dhe ne do ta dëshmojmë që kësaj Mitrovice t’ia kthejmë pamjen për të mirë. Ne do të vazhdojmë. Ky është vetëm fillimi. Projekte mbi 2.5 milionë euro”, tha Reshitaj.

Ajo ka shtuar se Mitrovica duhet të përkrahet më shumë nga të gjitha ministrisë./Arbresh.info

https://www.facebook.com/arbresh.info/videos/1698890810176004/

 

Shpërndaje në rrjete sociale

Lajmet më të lexuara

Të ngjashme

Foto lajm