Google ADS

Mjekësia Familjare në Gjilan merr një donacion prej 20 mijë euro nga Turqia

17:04 | 13 Qershor 2023
Orgesa Haziri

Qendra Kryesore e Mjekësisë Familjare në Gjilan, ka pranuar sot një donacion me pajisje nga Turqia, në vlerë 20 mijë euro.

Pranimi i këtij donacioni u bë në një ceremoni ku mori pjesë kryetari i Komunës, Alban Hyseni, ambasadori turk në Prishtinë, Sabri Tunç Angili, komandanti i KFOR-it turk në Kosovë, kolonel Recai Yilmaz, koordinatori i organizatës TIKA, Cihan Dinçer, si dhe përfaqësues të tjerë nga Turqia dhe komuna e Gjilanit.

Me këtë rast, kryetari i Gjilanit, Alban Hyseni, ka thënë se ky projekt është vazhdim i bashkëpunimit të mirëfilltë mes Kosovës dhe Turqisë, po edhe i ndihmës që i ka dhënë vendit tonë deri tani populli turk dhe qeveria turke.

Ai ka theksuar se nga Turqia pret përkrahje edhe në të ardhmen.

Shpërndaje në rrjete sociale

Lajmet më të lexuara

Të ngjashme

Foto lajm