Google ADS

Mitrovicë: Grafite kundër dhunës sistematike ndaj grave

23:41 | 25 Prill 2021
M. A.

Kolektivi Për Mendim dhe Veprim Feminist përmes një njoftimi ka bërë të ditur se këtë të diel përmes disa grafiteve në qytetin e Mitrovicës kanë denoncuar dhunën sistematike ndaj grave në këtë komunë dhe jo vetëm.

Nëpërmjet këtyre grafiteve është kundërshtuar kontrolli i burrave ndaj grave, ngacmimet seksuale në shkolla e institucione.

Disa nga thirrjet nëpër grafite ishin “gratë e kanë vendin kudo që dojnë ato”, “dhunuesit e grave n’burg”, “veshja nuk është provokim”.

“Ju njoftojmë sonte në Mitrovicë, aktiviste e aktivistë përshkuan qytetin me mbishkrime që denoncojnë dhunën sistemike ndaj grave në Mitrovicë dhe përtej.

Përmes grafiteve që kundërshtojnë kontrollin e burrave mbi trupin e grave, dhunimin e tyre në shtëpi, rrugë e institucione, ngacmimin seksual në shkolla, e robërimi e tyre nga burrat, hapësirat publike u ngjyrosën me revoltë dhe refuzim të çfarëdo shtypje ndaj secilës grua dhe vajzë”, thuhet në njoftim./arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm