Google ADS

Mitrovicë, çdo dy ditë do të dezinfektohen të gjitha rrugët dhe sheshet e qytetit

23:07 | 3 Prill 2020
Arditë Shkodra

Komuna e Mitrovicës do të kryej çdo dy ditë dezinfektimin e të gjitha rrugëve dhe shesheve të qytetit

Kryetari i komunës, Agim Bahtiri, bën të ditur se është marrë vendim nga Komuna që çdo dy ditë të bëhet dezinfektimi i shesheve dhe rrugëve të Mitrovicës, si një ndër masat më kryesore për parandalimin e virusit COVID-19, transmeton arbresh.info

Po ashtu kryetari Bahtiri potencon se është duke punuar me mjaft përkushtim dhe angazhim së bashku me shtabin komunal emergjent, për t’iu dalë në ndihmë të gjithë qytetarëve, dhe se nuk do të kursej asgjë në këtë drejtim vetëm të menaxhohet sa më mirë kjo situatë.

Gjithashtu kryetari Bahtiri falënderon të gjithë qytetarët mitrovicas që po i përmbahen udhëzimeve dhe rekomandimeve të institucioneve përkatëse, dhe se suksesin e komunës që s’e ka asnjë të prekur deri më tani nga ky virus ia atribuon atyre.

Dezinfektimi do të kryhet në këtë mënyrë siç shihet në videon e bashkangjitur./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm