Ministrja e Mjedisit dhe Planifikimit Hapësinor, Albena Reshitaj, ka pritur në një takim ambasadorin e Austrisë në Kosovë, Gernot Pfandler, shkruan arbresh.info.
Diplomati austriak është njoftuar nga ministrja Reshitaj, për prioritetet e saj në kuadër të projekteve të MMPH-së. Ministrja Reshitaj theksoi se fokus i saj është përmirësimi dhe mbrojtja e mjedisit në përgjithësi dhe cilësia e ajrit në veçanti.
Ministrja përmendi edhe përmirësimin e shtretërve të lumenjve dhe ndërtimin e mirëmbajtjen e deponive legale të mbeturinave.
“Kemi përpiluar planet afatshkurta, afatmesme dhe afatgjate për përmirësimin e cilësisë së ajrit. Kemi ndërmarrë disa hapa konkret dhe po punohet në vazhdimësi për të pasur një mjedis sa më të pastër. Për çështjen e ajrit kemi marrë përgjegjësitë që na takojnë”, është shprehur ministrja Reshitaj.
Ministrja e njoftoi ambasadorin edhe për procedimin e Ligjit për trajtimin e ndërtimeve pa leje në Kuvendit e Kosovës.
Ambasadori austriak Gernot Pfandler, përgëzoi ministren për vendosmërinë dhe punën që është duke bërë në udhëheqje të MMPH-së duke shprehur gatishmërinë e shtetit austriak për ta ndihmuar këtë ministri.
Ambasadori u shpreh i gatshëm po ashtu që të ofrojë ekspertë austriak në mbikëqyrjen e projekteve që kanë të bëjnë me mjedisin dhe mundësinë që stafi profesional i ministrisë të ndjek trajnime në fusha të ndryshme në Austri.
Ministrja Reshitaj falënderojë ambasadorin për ndihmën që shteti austriak ka dhënë dhe po e jep për Kosovën në të gjitha fushat./arbresh.info/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite