Ministrja e Jashtme takon homologen nga Bullgaria, në fokus koordinimi në proceset euroatlantike

15:52 | 17 Shkurt 2024
K.B

Me urimin për qytetarët e Kosovës me rastin e 16-të vjetorit të Pavarësisë së Kosovës ka nisur takimi mes Zëvendëskryeministres dhe Ministres së Punëve të Jashtme dhe Diasporës të Republikës së Kosovës,  Donika Gërvalla, me Zëvendëskryeministren dhe Ministren e Punëve të Jashtme të Bullgarisë, Mariya Gabriel.

Në rrafshin e marrëdhënieve të fuqishme bilaterale mes dy shteteve,  Gërvalla dhe homologia e saj Gabriel diskutuan mbi thellimin e bashkëpunimit në shumë fusha me interes të përbashkët, duke përfshirë shkëmbimet tregtare, zhvillimin e bujqësisë si dhe mbështetjen e Kosovës në rrugën e saj të integrimit në mekanizmat euroatlantik.

Situata në Ballkanin Perëndimor dhe nevoja e ndërmarrjes së hapave konkret në ruajtjen e paqes dhe stabilitetit në rajon ishte gjithashtu pjesë e rëndësishme e diskutimit në takimin dy palësh./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm