Ministrja e Jashtme dhe ambasadori jo rezident i Bangladeshit flasin për bashkëpunim ekonomik

17:34 | 11 Mars 2024
E.G

Zëvendëskryeministrja dhe Ministrja e Punëve të Jashtme dhe Diasporës, Donika Gërvalla, ka pritur sot në takim ambasadorin jo rezident të Bangladeshit në Kosovë, Mosharraf Hossain Bhuiyan.

Gjatë këtij takimi, të dy kanë biseduar rreth marrëdhënieve bilaterale mes dy shteteve dhe bashkëpunimin ekonomik, shkruan Arbresh.info.

Po ashtu Gërvalla e njoftoi Ambasadorin për progresin që po arrin Kosova në shumë fusha duke përfshirë edhe nivelin e demokratizimit të vendit, “të cilin e konfirmoi së fundi edhe instituti suedez, V-Dem, në raportin vjetor të demokracisë.”

“Me ambasadorin nga Bangladeshi, Ministrja Gërvalla foli edhe për shkëmbimet tregtare mes dy vendeve dhe mbështetjen e Bangladeshit për Kosovën në fuqizimin e subjektivitetit ndërkombëtar.”, thuhet në njoftimin e ministrisë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm