Ministria e Mbrojtjes fillon përgatitjet për shpalljen e konkursit për 979 ushtarët e rinj

19:35 | 1 Korrik 2022
E.H

Ministria e Mbrojtjes, përmes një postimi, ka njoftuar se sot ka filluar parapërgatitjet për shpalljen e konkursit të ri për pranimin e 612 ushtarëve të rinj aktivë dhe 367 ushtarëve të komponentës rezervë.

“Ju mirëpresim në muajin shtator, në periudhën edhe kur zyrtarisht shpallim konkursin dhe fillojmë fazën e pranimit të aplikacioneve tuaja. Përgatituni me vetëbesim dhe vendosmëri për suksesin e garantuar. Bëhu ushtar i FSK-së. Shërbimi juaj për të ardhmen e sigurtë të vendit”, thuhet në njoftimin.

Ndryshe, sot është mbajtur ceremonia e diplomimit të kadetëve të Gjeneratës 2022 të Akademisë së Mbrojtjes – Qendrës për Studime Universitare të FSK-së “Wesley Clark”.

Pjesëmarrës në këtë ceremoni ishin autoritetet e larta shtetërore si dhe zyrtarë të tjetër të lartë vendorë e ndërkombëtarë, ndërsa ushtrisë sot iu shtuan edhe 17 oficerë të rinj./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm