Ministria e Infrastrukturës thotë se të gjitha rrugët janë të kalueshme

15:46 | 30 Nëntor 2021
Përparim Bublaku

Ministria e Mjedisit, Planifikimit Hapësinor dhe Infrastrukturës, ka njoftuar se të gjitha rrugët në Kosovë janë të kalueshme.
Përmes një postimi në Facebook, kjo ministri ka njoftuar se kompanitë e kontraktuara kanë intervenuar në orët e hershme të mëngjesit të sotëm ku kanë hedhur kripë dhe kanë bërë pastrimin e rrugëve.

“Sipas informacioneve nga tereni nga të gjithë menaxheret e autoudhëve (autostradave),rrugëve nacionale dhe rrugëve regjionale të Republikës së Kosovës, të gjitha rrugët janë të kalueshme për qarkullim, pavarësisht konfiguracionit ku shtrihen ato. Kompanitë e kontraktuara për mirëmbantje kanë intervenuar në orët e hershme të mëngjesit me pastrim dhe hudhje të kripës në shtresat qarkulluese të rrugëve”, thuhet në njoftim.

Mbrëmë në Kosovë ka pasur reshje bore. Sipas IHMK-së mot me reshje bore pritet të ketë gjatë tërë javës./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm