Ministria e Drejtësisë tregon kur do mbahet Provimi i Jurisprudencës

17:33 | 19 Gusht 2021
L G

Ministria e Drejtësisë ka njoftuar se me datë 4 dhe 5 shtator 2021 organizon mbajtjen e Provimit të Jurisprudencës.

Ata kanë ftuar organizatat e interesuara të shoqërisë civile të jenë pjesë e monitorimit të procesit të mbajtjes së këtij provimi.

“Organizatat e interesuara për monitorim të këtij procesi, ju lutem të kontaktojnë Zyrën për Komunikim Publik në e-mail adresën [email protected] ose përmes nr. kontaktues: 038 200 18 010”, thuhet në komunikatë.

MD njofton se provimi i Jurisprudencës me shkrim, tek lënda “E Drejta Civile” do të mbahet me 4 shtator 2021 (e shtunë), me fillim nga ora 09:00 dhe do të zgjasë 5 (pesë) orë.

Ndërsa tek lënda “E drejta Penale” do të mbahet me datë 5 shtator 2021 (e diele) me fillim në ora 09:00 dhe do të zgjasë 5 (pesë) orë.

Vendi i mbajtjes: Akademia e Kosovës për Siguri Publike në Vushtrri./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm