Ministri i Ministrisë së Punëve të Brendshme, z.Agim Veliu, sot ka vizituar komunën e Gjilanit ku u prit nga kryetari i kësaj komune, z. Lutfi Haziri.
Temë kryesore në këtë vizitë ishte menaxhimi i situatës së shkaktuar nga pandemia me COVID-19 në këtë komunë.
Më këtë rast, ministri Veliu u shpreh i kënaqur dhe përgëzoi kryetarin Haziri dhe Shtabin Emergjent të Gjilanit për menaxhimin e suksesshëm të kësaj situate të rënduar tash e sa muaj, raporton arbresh.info.
Gjatë kësaj vizite Ministri Veliu shprehi ngushëllimet e tij të gjitha familjeve të kësaj komune, të cilët kanë humbur anëtarët e tyre si pasojë e infektimit me COVID-19.
Tema të tjera që u diskutuan në këtë takim ishin edhe çështja e menaxhimit të emergjencave, reformave në administratën publike dhe çështja e stacionit rajonal të Policisë në Gjilan.
“Ne u dakorduam që sa më shpejt Stacionit të Policisë në Gjilan të iu sigurohen hapësirat e nevojshme për punë dhe besoj se me parashikimet e buxhetit për vitin e ardhshëm, kjo çështje do të rregullohet”, theksoi ministri Veliu./arbresh.info/
80 për qind e tiranasve kundër organizimit të “Kampionatit ...
Putini nënshkruan ligjin që ua mundëson të pandehurve t’i ba...
Indonezia ngre alarmin për shkak të shpërthimit të vullkanit...
Haradinaj i zhgënjyer me punimet në autostradën Prishtinë-Gj...
Me ftesë të Macronit, Osmani përfaqëson Kosovën në Samitin e...
Tentoi të fuste në Shqipëri 18 mijë euro pa i deklaruar, pro...