Ministri Tahiri dënon fuqishëm vrasjen në ndërtesën e AKI-së

16:07 | 4 Shtator 2018
Arbresh.info

Ministri i Drejtësisë, Abelard Tahiri, e ka dënuar fuqishëm aktin e incidentit të ndodhur sot në ndërtesën e Agjencionit të Kosovës për Inteligjencë ku një person rreth të 40-ve mbeti i vrarë nga kolegu.
Në një prononcim të tij për klankosova.tv, Ministri Tahiri ka theksuar se reagimet ndaj sjelljeve abuzive në vendin e punës duhet të jenë të fuqishme për të parandaluar aktet e tilla:

”Si Ministër i Drejtësisë dhe si qytetar i Republikës së Kosovës, dënoj fuqishëm aktin e incidentit që ka ndodhur sot brenda institucionit më të lartë të sigurisë në vend, AKI-së, i cili për pasojë la humbjen e jetës së një punonjësi. Reagimet tona kolektive ndaj sjelljeve abuzive në vendin e punës duhet të jenë të fuqishme dhe të na nxisin që të reflektojmë për masat parandaluese të akteve të tilla”.

 

Shpërndaje në rrjete sociale

Lajmet më të lexuara

Të ngjashme

Foto lajm