Ministri i Punëve të Brendshme, Xhelal Sveçla është pritur me nderime në Akademinë Policore të Kroacisë nga Kreu i Akademisë Josip Ćelić.
Gjatë këtij takimi, ministri Sveçla u njoftua nga delegacioni pritës i Akademisë për historikun dhe programet e Akademisë si shtylla kryesore e përgatitjes profesionale të pjesëtarëve të Policisë.
Eprorët e të gjithë sektorëve të Akademisë njoftuan ministrin Sveçla për shërbimet, kapacitetet, organizimin dhe programet që zhvillojnë ata e po ashtu edhe për angazhimet që kanë në nivel ndërkombëtar.
Ministri Sveçla njoftoi delegacionin pritës të Akademisë për situatën e sigurisë në Kosovë dhe për angazhimet e institucioneve tona që kanë në mandat sigurinë shtetërore dhe sundimin e rendit dhe ligjit. Me këtë rast, ministri Sveçla shprehu mirënjohjen e tij për Akademinë e Policisë së Kroacisë për mbështetjen, bashkëpunimin, shkëmbimin e përvojave dhe njohurive me Akademinë tonë policore dhe Policinë e Kosovës.
Në shenjë mirënjohje për vizitën, pas takimit të frytshëm të dy delegacioneve, pjesëtarët e Akademisë demostruan para ministrit Sveçla disa nga shkathtësitë e tyre të fituara në atë akademi si dhe prezantuan disa nga kapacitetet e Policisë kroate që shërbejnë për parandalimin dhe luftimin e krimeve të ndryshme.
Pas këtyre aktiviteteve, ministri Sveçla bashkë me ekipin pritës të Akademisë vizituan edhe “Muzeun e Policisë” ku u njoftuan me historikun e krijimit dhe zhvillimit të Policisë kroate./Arbresh.info
Osmani liston takimet në New York, veçon diskutimin me Biden
Të paktën 90 të vdekur nga uragani Helene në SHBA
Policia shqiptoi mbi 1 mijë e 700 gjoba trafiku brenda 24 or...
Kishte veshur maicë me mbishkrime dhe përmbajtje nxitëse, ar...
Më 11 tetor ndërrohet komanda e KFOR-it, do të udhëheqë Enri...
Hajnat vjedhin në shtëpi të mërgimtarëve në Ferizaj