Ministri Maqedonci flet për mosekspozimin e mjeteve ushtarake siç ishte paralajmëruar

16:18 | 12 Qershor 2024
E.H

Ministri i Mbrojtjes, Ejup Maqedonci, ka treguar arsyen se pse sot gjatë parakalimit të Forcë së Sigurisë së Kosovës në sheshet e Prishtinës nuk pati ekspozim edhe të mjeteve të rënda të ushtrisë së vendit, raportim ky që qarkullonte ditë më parë në media.

Ai ka deklaruar se ekspozimi i mjeteve të rënda në parakalime të tilla bëhet më shumë në shtetet e Lindjes, e jo të Perëndimit.

“Në formatin perëndimor nuk praktikohet parakalimi me mjete të rënda, më shumë bëhet në Rusi, Kore të Veriut dhe vendet e Lindjes. Parakalimi me personel dhe armë individuale dhe ekipore është format yni i parakalimeve”, ka thënë Maqedonci për klankosova.

Megjithatë ai nuk e mohoi se ditëve në vijim potencialisht mund të ketë ekspozim të tillë të mjeteve të papara më herët.

”Prezantimin e tyre me doktrinën tonë e bëjmë statik gjatë ditëve të hapura, si dhe gjatë ushtrimeve të ndryshme”, shtoi Maqedonci.

Shpërndaje në rrjete sociale

Lajmet më të lexuara

Të ngjashme

Foto lajm