Google ADS

Ministri i Mbrojtjes së Kosovës pritet nga homologu i tij turk

16:07 | 6 Dhjetor 2017
Arbresh.info

Ministri i FSK-së, Rrustem Berisha u prit nga Nurettin Canikli, ministër i Mbrojtjes së Turqisë.

Në takimin e përbashkët të ministrave u bisedua për marrëdhëniet e mira bilaterale ndërmjet Kosovës dhe Turqisë në fushën e sigurisë dhe u theksua gatishmëria e dy ministrive për vazhdimin dhe intensifikimin e këtyre marrëdhënieve edhe në të ardhmen, thuhet në njoftimin për media.

Me këtë rast, ministri Berisha ka falënderuar ministrin Canikli dhe nëpërmjet tij edhe popullin e Turqisë për mbështetjen e pakursyer për Kosovën dhe në veçanti për FSK-në në ngritjen, zhvillimin, profesionalizimin si dhe modernizimin e saj.

Nga ana e tij, ministri i Mbrojtjes së Republikës së Turqisë  shprehu vullnetin e Ministrisë që ai drejton,  që marrëdhëniet ndërmjet dy forcave, dy ministrive dhe dy vendeve të avancohen dhe intensifikohen në të ardhmen, duke u zotuar se do ta mbështesin FSK-në në ngritjen e kapaciteteve dhe zhvillimin e saj si force moderne.

Shpërndaje në rrjete sociale

Lajmet më të lexuara

Të ngjashme

Foto lajm