Ministri i Mbrojtjes i Malit të Zi, Rasko Konjeviç ndodhet për vizitë në Prishtinë.
Konjeviç me ministrin e Mbrojtjes së Kosovës, Armend Mehaj kanë nënshkruar një marrëveshje bashkëpunimi në fushën e mbrojtjes.
Ai pas takimit me ministrin Mehaj në një konferencë për media tha se Mali i Zi dhe Kosova kanë marrëdhënie të mira politike për kohë të gjatë, edhe nga koha kur Mali i Zi ka njohur shtetin e Kosovës dhe kanë vendosur marrëdhënie diplomatike.
Po ashtu ai tha se dy shtetet kanë bashkëpunim të mirë edhe në fushën e mbrojtjes.
“Sot ka qenë mundësia që të nënshkruajmë një Memorandum bashkëpunimi në fushën e mbrojtjes dhe për tu njohur me proceset, reformat që Qeveria e Kosovës dhe ministria që i ka ndërmarrë”, tha ai, duke shtuar se me këtë marrëveshje zgjerohen mundësitë e bashkëpunimit në të ardhmen dhe shkëmbimin e përvojave.
Ai tha se Mali i Zi është i gatshëm të ndihmojë Kosovën me përvojën e saj në reformat në fushën e mbrojtjes, meqenëse është pjesë e NATO-s.
“Takimet e tilla janë të rëndësishme që të flasim për tema të rëndësishme rajonale dhe kam shprehur qëndrimin se aty ku mund Mali i Zi do ta ndihmojë Kosovën në angazhimin që të jetë pjesë e strukturave dhe nismave rajone si dhe integrimeve euro-atlantike”, tha ministri malazez./arbresh.info/
Izraeli thotë se ka goditur qindra caqe në Liban
“Të kthehemi më të fortë”, Flick flet pas humbjes së Barcelo...
Të shtënat me armë në ahengje, MPB: Gjatë gushtit u konfisku...
Për një javë policia shqiptoi afro dy mijë gjoba trafiku në ...
Lajçak: Dy javët e fundit, fokusin e kisha në dialog
“Travel and Tour World”: Shqipëria moment historik të ri në ...