Ministri Hasani përfundon vizitën e tij në Kosovë

21:47 | 16 Janar 2024
E.G

Ministri për Evropën dhe Punët e Jashtme të Shqipërisë, Igli Hasani ka përfunduar vizitën e tij në Kosovë.

Me anë të një postimi në Facebook, Hasani u shpreh se vizitën e përfundoi pranë trupave të përkushtuar të Forcave të Armatosura të Shqipërisë që shërbejnë në misionin e KFOR-it, shkruan Arbresh.info.

“E përfundova vizitën time në Kosovë me një takim pranë trupave të përkushtuar të Forcave të Armatosura të Shqipërisë që shërbejnë në misionin e KFOR-it.”, tha ai.

Hasani njoftoi se ka pasur diskutim produktiv me Gjeneral Major Özkan Ulutaş ku ka vlerësuar bashkëpunimin e fortë mes KFOR-it, EULEX-it dhe Policisë së Kosovës.

“Pata një diskutim produktiv me Gjeneral Major Özkan Ulutaş. Vlerësova bashkëpunimin e fortë mes KFOR-it, EULEX-it dhe Policisë së Kosovës për sigurimin e paqes, sigurisë dhe stabilitetit në Kosovë dhe në mbarë rajonin.”, ka përfunduar ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm