Ministri Çeku pas takimit me Infantino: Lajme të mira për futbollin e Kosovës nga FIFA

14:04 | 20 Janar 2023
K.B

Ministri i Kulturës, Rinisë dhe Sportit (MKRS), Hajrulla Çeku ka shfrytëzuar profilin privat në Facebook për të dhënë sot disa lajme të mira nga Cyrihu i Zvicrës sa i përket futbollit kosovar.

Presidenti i FIFA-s, Gianni Infantino ka pritur gjatë të enjtes kryetarin e Federatës së Futbollit të Kosovës (FFK), Agim Ademin dhe Ministrin e Sportit, Hajrulla Çekun.

Në lidhje me këtë takim ka folur vet ministri Çeku, i ka thënë se është diskutuar për zhvillimin e infrastrukturës sportive, konkretisht për planin e përbashkët pesë vjeçar për renovimin e stadiumeve ekzistuese dhe ndërtimin e stadiumeve të reja në vend.

‘Ndërtimi i urave të bashkëpunimit u theksua nga Presidenti i FIFAS-s, duke shtuar se do të gjejnë rrugë për mbështetje financiare për projektet e tilla madhore që ngritin kapacitetet e sportistëve kosovarë për arritjen e rezultateve kulminante në arenën ndërkombëtare”, ka shkruar ai. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm