Ministrat bëjnë homazhe tek varri i Adem Demaçit

14:45 | 26 Korrik 2022
K.B

Ministrat e Qeverisë Kurti, Albulena Haxhiu, Xhelal Sveçla dhe Armend Mehaj kanë bërë homazhe tek varri i veprimtarit të çështjes kombëtare, Adem Demaçi.

“Në ballë të kauzës për rezistencë kombëtare, Adem Demaçi ishte frymëzues dhe veprimtar shembullor, idealist i përhershëm, deri në vdekje.

Sakrifica e tij e pakrahasueshme ishte referencë e popullit shqiptar, për idealet që s’thyhen, për idetë që nuk burgosen, për vullnetin që nuk shtypet.

Adem Demaçi ishte tribun i cili gjallëroi mendjet dhe zemrat e një populli të tërë për të rrugëtuar në rezistencë me çfarëdo çmimi, deri në çlirimin përfundimtar të vendit.

Lavdi jetës dhe veprës së Adem Demaçit, simboli i rezistencës kombëtare”, ka shkruar ministrja Haxhiu në facebook. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm