Minatorët e Trepçës në Stantërg nuk do ta ndalin grevën ,ani pse paga u është ekzekutuar të mërkurën gjatë ditës.
Kështu ka bërë të ditur për Arbresh.info kryetari i Sindikatës së minatorëve të Trepçës në Stantërg, Ibrahim Jonuzi.
Ai tha se edhe pse pagat e minatorëve janë transferuar gjatë ditës së sotme (e mërkure), greva nuk do të ndalet deri në plotësimin e të gjitha kërkesave të tyre.
Madje, Jonuzi tha se gjendja shëndetësore e minatorëve është e rëndë.
Ai tha se janë injoruar nga institucionet shtetërore, të cilat nuk e kanë marr mundin as t’i vizitojnë.
“ Gjendja shëndetësore e 700 minatorëve është e rëndë, ka prej tyre të cilët e kanë gjendjen shumë më të rëndë dhe nuk po dimë si t’ia bëjmë. Nuk ka pasur interesim nga ana e institucioneve, përkundër që kjo grevë nuk është kundër Qeverisë dhe ministrisë, por për plotësimin e kushteve tona si minatorë. Mirëpo, kërkesat tona janë shumë më të mëdha sesa pagat”, u shprehë Jonuzaj.
Ai ka kërkuar që urgjentisht të bëhet shkarkimi i menaxhmentit të Trepçës, sigurimi shëndetësor i minatorëve, përmirësimi i kushteve dhe mjeteve të punës. Nuk kemi me çka me punu.
Ndryshe, kjo është dita e dytë e grevës së minatorëve, të cilët që nga dita e martë janë futur në grevë /Arbresh.info/ Pleurat Salihu/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...