Ministrja në detyrë e Integrimit Evropian, Mimoza Ahmetaj priti sot në takim shefin e USAID në Kosovë, James Hope.
Në takim u diskutua për mundësitë e bashkëpunimit të ndërsjellë në kuadër të priorititeteve të Qeverisë së Kosovës, Agjendës Evropiane dhe projekteve në të cilat USAID është e angazhuar.
Në mesin e tyre ishin projektet në drejtësi, qeverisje të mirë, zhvillim ekonomik dhe rritje të punësimit, respektivisht tek gratë, prodhim i energjisë efiçiente, bujqësi dhe zhvillim të bizneseve të vogla dhe të mesme. Fusha këto të cilat njëkohësisht i kontribuojnë dhe janë në kuadër të Agjendës Evropiane dhe zbatimit të MSA-së për Kosovën.
Poashtu, më në detaje u diskutua edhe për koordinim e donacioneve për Kosovën, ku përfshihen projektet nga fondet e Instrumentit të Para Anëtarësimit (IPA), projektet e BE-së dhe projektet e shteteve tjera në mënyrë që të ketë koordinim sa më të mirë të investimeve.
Me këtë rast, Ahmetaj theksoi rëndësinë që ka përfshirja e të gjithë faktorëve për të kontribuar në prioritetet që janë vitale në zhvillimin ekonomik të vendit dhe mirëqënies së qytetarëve dhe, njëkohësisht të synohet rritje maksimale e fuqisë së eksportit
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite