Ish-kryeshefi i Telekomit, Agron Mustafa, është intervistuar nga Komisioni Hetimor Parlamentar në lidhje me gjendjen në Telekom.

Janë dhjetëra këngëtarë që kanë marrë para nga Telekomi “në frizura dhe këngëtar që kanë villa milionëshe” sipas deputetit Milaim Zeka.

“Sponsorizim për ambasadën austriake dy mijë euro, ambasadës britaneze pesë mijë euro, Eroll Belegut 28 mijë euro, Blerim Gjocit 128 mijë euro, Sabri Fejzullahut gjashtë mijë euro, ambasadës gjermane dy mijë euro, Ermalit 5800 euro, një këngëtare 12 mijë e 500 euro, Labinot Tahiri gjashtë mijë euro, gruas të një multi milioneri 2999 euro, Tunës 2500 euro”, është shprehur Zeka.

Disa nga emrat i ka zbuluar deputeti, Armend Zemaj, shkruan arbresh.info.

“Bohet fjalë për Rexhep Qosjen, Adelina Thaçin, Nora Istrefin, Robert Berishën, Dhurata Ahmetaj, Argjentina Ramosaj”, bënë të ditur Zemaj.

Edhe Mustafa ka patur përgjigje në këto pretendime.

“Çdo donacion deri në shtatë mijë euro ka mujt me u nënshkru prej meje, shuma tjera veç bordi”, është shprehur Mustafa.

Komisioni ka shkuar në pauzë deri në orën 14:00./arbresh.info/