Drejtori i Institutit të Kosovës për Drejtësi(IKD), Ehat Miftaraj është shprehur i habitur nga Prokuroria Speciale e Kosovës, e cila sipas tij është dashur menjëherë t’a marr nën hetim rastin e sulmit tragjik të autobusit në Gllogjan të Deçanit.
Miftarajt tha se nuk donë ta besojë që PSRK-ja nuk ka marrë ende në kompetencë hetimin e këtij rasti, ku mbetën të vdekur tre persona, dy fëmijë dhe si dhe shoferi i autobusit, shkruan arbresh.info
“Nuk po dua te besoj se rasti ne Gllogjan nuk është marr ende nen kompetence nga Prokuroria Speciale e Republikës se Kosovës. Nëse prokuroret e PSRK nuk dalin sonte në vend të ngjarjes, nuk e marrin lëndën në kompetencë, dhe nuk shkojnë në vend të ngjarjes jo një prokuror po së paku tre e më shumë nga PSRK, përfshirë vet Kryeprokurori i kësaj prokurorie, atëherë nuk di pse kemi PSRK, dhe pse këta prokurorë paguhen 3000 Euro e më shumë në muaj”, thotë Miftaraj.
Ndryshe, rreth orës 20:30 në fshatin Gllogjan të Deçanit është sulmuar me armë zjarri autobusi që po vinte nga Gjakova për Deçan. Deri tash është raportuar për tre të vdekur dhe një të plagosur.
Të plagosurit janë dërguar menjëherë në Spitalin e Pejës. /arbresh.info/
Kusari-Lila thotë se Qeveria Kurti ia çjerri maskën Vuçiqit ...
Sinani: Nga nesër nis grumbullimi i qenve endacak në Preshev...
Rama takim nesër me kryebashkiakët socialistë dhe drejtuesit...
Flick ka katër opsione për ta zëvendësuar Olmon e lënduar nd...
I dyshuari për atentat ndaj Trumpit akuzohet për dy vepra pe...
Bislimi udhëton në Bruksel, nesër takimi në kuadër të dialog...