Presidenti i Shqipërisë, Ilir Meta, ka folur sot për çështjen e demarkacionit të kufirit ndërmjet Kosovës dhe Malit të Zi, dhe për atë të Gjykatës Speciale.
Në një takim me ambasadorë në Tiranë, Meta ka komentuar edhe rreth vrasjes së politikanit serb të Kosovës, Oliver Ivanoviq, në Mitrovicën e Veriut, dhe rreth dialogut Kosovë-Serbi në Bruksel.
Sipas BalkanWeb, i pari i Shqipërisë, Ilir Meta, ka thënë të enjten se qytetarët e Kosovës meritojnë të gëzojnë lëvizjen e lirë në vendet e Bashkimit Evropian. Ai ka shprehur optimizëm se autoritetet kosovare do të tregojnë përgjegjësinë e duhur për ta përmbyllur demarkacionin.
”Qytetarët e saj meritojnë, ashtu si të gjithë qytetarët e rajonit të gëzojnë lëvizjen e tyre të lirë dhe unë besoj se autoritetet e Kosovës do të tregojnë përgjegjshmëri për të ndërmarrë hapat e duhura që kjo çështje të zgjidhet duke përmbyllur marrëveshjen e demarkacionit me Malin e Zi sa më parë”, është shprehur Meta.
Teksa ka folur për Gjykatën Speciale, ai ka thënë se pret që Kosova do të tregojë maturi e përgjegjësi në zotimet e saj për sundimin e ligjit./BalkanWeb
Shkaktarët e anemisë – gjakderdhja dhe ushqimi i varfër
Këndimi e redukton stresin, i pastron sinuset dhe ju ndihmon...
Hasani në OKB: Shqipëria, hapa të rëndësishëm në fushën e ba...
Trump thotë se nëse vjen në pushtet do ta shkarkonte Jack Sm...
Alba tregon se kush janë banorët e saj të preferuar
Xheneta i jep ‘sinjale’ Burimit: Mund të dashurohem në të