Takimi i shumëpritur i 18 marsit në Ohër do të fillojë nga ora 10:00.
Këtë e bëri të ditur zyra e Bashkimit Evropian në Kosovë, në një njoftim për media sot, e cila tha se duke filluar nga ky orar, Josep Borrell do të takohet me kryeministrin Kurti dhe presidentin serb ndaras.
“Duke filluar nga ora 10:00, shefi i politikës së jashtme të Bashkimit Evropian, Josep Borrell, dhe i dërguari i BE-së për dialogun Kosovë-Serbi, Mirosllav Lajçak do të zhvillojnë takime të ndara me kryeministrin e Kosovës Albin Kurti dhe me presidentin serb Aleksandar Vuçiq”, thuhet në njoftim.
Pas përfundimit të takimeve të ndara të Borrell me secilin prej dy krerëve, do të fillojnë edhe takimet trepalëshe, Borrell – Kurti – Vuciq.
Teksa në takim, përpos të dërguarit të BE-së për dialogun Kosovë – Serbi, Miroslav Lajçak, do të marrë pjesë edhe i dërguari i posaçëm i ShBA-ve për Ballkanin Perëndimor, Gabriel Escobar.
Në lidhje me këtë takim, vetë Lajçak javën e kaluar ishte në Kosovë dhe u takua me kryeministrin Kurti, presidenten Osmani dhe liderët opozitarë.
Po ashtu, në fillim të kësaj jave ai ka qenë edhe në Beograd, ku u takua me Vuciqin dhe opozitën atje.
Ndërkaq, sot në Serbi ka qenë edhe Escobar, i cili nesër apo pasnesër pritet të vijë edhe në Kosovë./arbresh.info
Neuer pyetet nëse do të rikthehet nga pensionimi pas lëndimi...
Policia shqiptoi 1 mijë e 807 gjoba trafiku brenda 24 orëve
Një arkatare e një marketi në Prishtinë raporton 200 euro të...
Arrestohen dy persona në Prishtinë, dyshohet se sulmuan një ...
Arrestohet punëtorja e një kompanie të sigurimit në Prishtin...
Babai në Viti e lajmëron të zhdukur vajzën e tij të mitur