Mësimdhënësit serbë nuk e përfillin grevën e SBASHK-ut Mësimdhënësit në shkollat e fshatit Plemetin, Babimoc dhe Palaj të komunës së Obiliqit nuk e kanë ndërprerë mësimin pavarësisht grevës së organizuar nga Sindikata e Bashkuar për Arsim, Shkencë dhe Kulturë në tërë territorin e Kosovës.
Në këto shkolla ku zhvillohet mësimi në gjuhën serbe, nuk punohet me plan-programin e Ministrisë së Arsimit, Shkencës dhe Teknologjisë, por me plan-program të strukturave paralele serbe.
Këtë e ka konfirmuar edhe Rexhep Zeka, shefi për Arsim në Komunën e Obiliqit.
“Nuk janë vetëm serb, janë edhe një numër i romëve. Sikur në të gjitha shkollat serbe nëpër Kosovë, ata nuk i përfillin as datat e as festat, por ne i furnizojmë me lëndë djegëse, higjienike. Ka raste kur ka pas ndonjë problem edhe kam shkuar i kam vizituar, por ata punojnë me plan-programin e Serbisë, me plan-program paralel”, ka thënë Zeka për gazetën inFokus.
Shkolla në fshatin Plemetin ka afërsisht 300 nxënës, shumica prej të cilëve vijnë nga komuniteti serb.
“Janë më shumë serb dhe janë duke e mbajtur mësimin, sepse ata nuk e përfillin grevën, pasi punojnë me programet e strukturave paralele”, konfirmoi Zeka.
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...
10 vjet nga Procesi i Berlinit, diskutohen arritjet, mundësi...