Ministria e Diasporës dhe Investimeve Strategjike ka ftuar në takim drejtorin e Byrosë Kosovare të Sigurimeve Blerim Pushkolli për t’u informuar mbi ecurinë e procesit teknik të blerjes online të policave kufitare.
Zv. Ministri Arian Daci ka përsëritë qëndrimin e zv. Kryeministrit njëherësh ministrit Dardan Gashi mbi çështjen e sigurimeve dhe vullnetin e qeverisë Haradinaj dhe se ky është hapi i parë i përkohshëm për një zgjidhje përfundimtare për këtë çështje.
“Aspekti politik i këtij procesi është kryer në nëntor me memorandumin e nënshkruar ndërmjet institucioneve tona ndaj, kërkojmë të informohemi mbi atë se çfarë po bëhet në aspektin teknik në këtë drejtim” – ka thënë zv. Ministri Arian Daci.
Nga ana tjetër drejtori ekzekutiv i BSK-së Blerim Pushkolli ka shpreh gatishmërinë e Institucionit që drejton për të bashkëpunuar me qeverinë.
“Ne jemi të gatshëm të bashkëpunojmë me Institucionet e Republikës së Kosovës. Procesi teknik i memorandumit është në fazën e punës ndërsa presim në janar ose shkurt do të përfundojnë çështjet teknike për të nisë me blerjen online të policave kufitare” – ka thënë drejtori i BSK-së Blerim Pushkolli.
Në nëntor të këtij viti, Ministria e Diasporës dhe Investimeve Strategjike, Ministria e Punëve të Brendshme dhe Byroja e Sigurimeve të Kosovës nënshkruan memorandumin e bashkëpunimit mbi blerjen online të policave kufitare./arbresh.info/
Hapet thirrja për përkrahjen e studimeve të doktoratës në 50...
Bislimi priti në takim ambasadorin jorezident të Irlandës, b...
Mikel Arteta i përgjigjet Guardiolës pasi trajneri i Man Cit...
Konjufca priti në takim SBAShK-un dhe pranoi nismën legjisla...
Të mërkurën mbahet konferenca vjetore ndërkombëtare “F...
Mali i Zi, partia e ish presidentit Gjukanoviç fiton më shum...