Google ADS

Memli Krasniqi përkujton Nexhmije Pagarushën në trevjetorin e vdekjes së saj

11:16 | 7 Shkurt 2023
K.B

Kryetari i Partisë Demokratike të Kosovës, Memli Krasniqi, e ka kujtuar  ikonën e muzikës, Nexhmije Pagarushën në trevjetorin e vdekjes së saj.

Përmes një shkrimi në Facebook, Krasniqi tha se Nexhmija udhëhoqi një gjeneratë të tërë artistësh drejt misionit të vështirë, por jetik, të ndërtimit të skenës kulturore në Kosovë.

“Tri vjet pa bilbilin e Kosovës, Nexhmije Pagarushën. Gjatë një jete me krijimtari, Nexhmija udhëhoqi një gjeneratë të tërë artistësh drejt misionit të vështirë, por jetik, të ndërtimit të skenës kulturore në Kosovë. Përjetësisht në kujtimet dhe zemrat tona, Mbretëreshë.Sytë për ty i kemi të njomë!”, shkroi i pari i PDK-së.

Nexhmije Pagarusha, vdiq në moshën 86-vjeçare. Ajo la pas vetes plot pesë albume e 88 këngë, prej tyre më të njohurat “Baresha” dhe “Zambaku i Prizrenit. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm