Mehaj viziton ushtarët e FSK-së në Kukës: Po nderojnë emblemën tonë, Kombin dhe Atdheun

20:27 | 10 Gusht 2021
Përparim Bublaku

Ministri i Mbrojtjes së Kosovës, Armend Mehaj, ka vizituar kontingjentin e FSK-së, të cilët janë duke marrë pjesë në shuarjen e zjarreve në Kukës.

Mehaj, ka thënë se ushtarët e FSK-së, bashkë me forcat e Shqipërisë, si një trup i vetëm po vazhdojnë betjen me zjarret.

Postimi i plotë:
Për të parë nga afër zhvillimin e operacionit në shuarjen e zjarrit në malin Shëmri, në zonën e Tunelit të Kalimashit, sot vizitova pjestarët e kontingjentit të FSK-së dhe pjestarët e kontingjentit të zjarrëfikësve nga Agjencia e Menaxhimit të Emergjencave.
Dhembjen për dëmet e shkaktuara nga zjarri e mbisundonte ndjenja e krenarisë për ushtarakët tanë -heronj të vërtetë që me guxim, shpirt ekipi dhe shërbim vetmohues nderojnë emblemën tonë, Kombin dhe Atdheun.
Si një trup i vetëm, bashkë me vëllezërit dhe motrat tona të Shqipërisë, po vazhdojnë betejën me flakët deri në fund.
Së bashku më të fortë, në ditë të vështira me vëllezërit e motrat tona!/arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm