Google ADS

Mehaj: Ushtria jonë do të rrugëtojë drejt zhvillimit krahë për krahë me ShBA-të

16:19 | 3 Gusht 2023
E.K

Ministri i Mbrojtjes, Armend Mehaj përmes një postimi në Facebook, ka bërë të ditur se ka marrë pjesë në ceremoninë e ndërrimit të Komandës mes kolonel Matthew Dinenna dhe kolonel Terry Saul.

Poashtu në këtë ceremoni ka marrë pjesë edhe komandanti i FSK-së, Gjeneral Jashari, këshilltari për komunikim strategjik, Tom Niblock dhe Gjeneral Ilir Qeriqi.

“Sot së bashku me komandantin e FSK-së, Gjeneral Jashari, këshilltarin për komunikim strategjik, Tom Niblock dhe Gjeneral Qeriqin, morë pjesë në ceremoninë e ndërrimit të Komandës mes kolonel Matthew Dinenna dhe kolonel Terry Saul”, ka shkruar Mehaj.

Mehaj falenderon kolonel Matthew Dinenna për kontributin e dhënë , teksa uron Terry Saul për detyrën e re.

“Kolonel Dinennan e falënderoj për kontributin e dhënë dhe bashkëpunimin e ngushtë, ndërsa urimet më të mira për detyrën e re, z. Saul”, ka bërë të ditur tutje Mehaj.

Mehaj gjithashtu thotë se bashkëpunimi i ngushtë do të vazhdoj edhe në të ardhmen dhe se Ushtria e Kosovës do të vazhdoj të rrugëtojë drejt zhvillimit krahë për krahë me ShBA-në

“Bashkëpunimin e ngushtë që kemi pasur deri më tani, do ta vazhdojmë edhe në të ardhmën. Ushtria jonë do të rrugëtojë drejt zhvillimit krahë për krahë me ShBA-të gjithmonë”, ka përfunduar Mehaj./Arbresh.info/

Shpërndaje në rrjete sociale

Të ngjashme