Ministri i Mbrojtjes, Armend Mehaj, me anë të një postimi në Facebook i është drejtuar bashkëvendësve të tij deçanas, duke i thënë se është në komunikim të vazhdueshëm me njësitë e specializuara të FSK-së në terren.
Ai bën të ditur se përveç monitorimit të situatës, menjëherë është aktivizuar në operacion Kompania e Specializuar për Detektimin e Materieve të Rrezikshme, duke bërë analizat kimike dhe biologjike të mostrave të ujit.
“Krahas këtij aktiviteti, Kompania për Operacione Civile është angazhuar në vlerësimin e përgjithshëm të situatës së krijuar. Gjithashtu kemi dërguar oficerin ndërlidhës i cili do të jetë pjesë e Shtabit Emergjent në Komunën e Deçanit”, shkroi Mehaj.
Ai po ashtu njoftoi se njësitet e tyre vazhdojnë operacionet dhe se në bazë të vlerësimit të situatës, nëse shfaqet nevoja, do të aktivizojnë edhe njësitet tjera me resurset njerëzore profesionale me flotën e automjeteve dhe pajiset e specializuara.
“Operacionet tona zhvillohen pa ndërprerje 24 orë në 7 ditë të javës dhe në këtë mënyrë do të vazhdojmë deri në tejkalimin e situatës emergjente dhe rikthimin e gjendjes normale”, përfundoi ministri Mehaj.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite