Google ADS

Me cilin politikan do të drekojë sot Luzim Basha në Prishtinë

07:53 | 20 Korrik 2020
Arbresh.info

Kryetari i Partisë Demokratike të Shqipërisë, Lulzim Basha, do të nisë një vizitë dyditore në Kosovë me ftesë të kryeministrit Avdullah Hoti.

Basha do të takohet me të gjithë përfaqësuesit politikë, raporton Arbresh.info.

Por, ai gjatë së hënën do të drekojë me kryetarin e VV-së, Albin Kurti.

“Kryetari i PD-së, Basha, pritet në takim/ drekë pune nga kryetari i Vetëvendosjes, Albin Kurti. (Prishtinë) në orën 13:00”, thuhet në njoftim.

Nuk është bërë e ditur se ku do të takohen.

Basha do të zhvillojë homazhe pranë varrit të presidentit Ibrahim Rugova, varrit të Isa Boletinit në Boletin, si dhe do të zhvillojë homazhe te Memoriali i Jasharëve në Prekaz. Gjatë vizitës në Kosovë, kreu i PD-së do të shoqërohet nga Edi Paloka, nënkryetar i kësaj partie, Besnik Mustafa, ish-ministër i Jashtëm dhe kryetar i Këshillit të Ambasadorëve Shqiptarë, Kreshnik Çollaku, anëtar i Kryesisë së PDSH-së dhe Arben Çejku, ish-ambasador dhe drejtues i Qendrës Shqiptare për Mirëqeverisje. /Arbresh.info/

 

 

 

 

Shpërndaje në rrjete sociale

Lajmet më të lexuara

Të ngjashme

Foto lajm