MD konfirmon se do t’i mbulojë shpenzimet për bartjen e kufomës së argjentinases që dyshohet se u vra në Fushë Kosovë

22:47 | 1 Shtator 2023
Diellza Gashi

Ministria e Drejtësisë e ka konfirmuar se do t’i mbulojë shpenzimet e mbetura për bartjen e kufomës së argjentinases, Maria Clara Urdungaray, në Argjentinë, e cila dyshohet se vdiq pasi partneri i saj e ka gjuajtur nga kati i gjashtë, në Fushë Kosovë.

Lajmin e ka konfirmuar për Arbresh.info shefi i kabinetit të kësaj ministrie, Genc Nimoni, i cili ka thënë se për shkak të kushteve të vështira ekononike të familjes të viktimës kanë marrë përsipër mbulimin e shpenzimeve.

“Për shkak të gjendjes së vështirë ekonomike të familjes së viktimës, Qeveria do të merr përsipër mbulimin e shpenzimeve për bartjen e kufomës të së ndjerës”, tha Nimoni.

Aktualisht, i dyshuari për vrasjen e saj, Endrit Nikaj, ndodhet në paraburgim. Kurse Prokuroria Themelore e Prishtinës ka vendosur që të shtyj edhe dy muaj të tjerë paraburgim për të dyshuarin që vrau të dashurën e tij argjentinase në Fushë Kosovë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm