Agjencia e Ushqimit dhe Veterinarisë ka reaguar pasi kryetari i Komunës së Gjilanit, Lutfi Haziri e akuzoi Qeverinë për inspektorët të cilët i mbyllën disa lokale në këtë qytet. Haziri e quajti inspektoratin e AUV-it si “njësi ndëshkuese të Qeverisë”, derisa aksionin e tyre e cilësoi “represion për mbyllje të dhunshme të lokaleve”.
AUV-i, përmes një reagimi në facebook thotë se Qeveria s’ka kompetenca që të ndërhyjë në procesin e shqiptimit të dënimeve.
Postimi i plotë:
“Qeveria e Republikës së Kosovës nuk ka kompetenca për të ndërhyrë në procesin e shqiptimit te dënimeve ndaj personave konkretë, fizikë apo juridikë, nga inspektorët e AUV-it apo zyrtarët e Policisë së Kosovës për shkeljet e masave anti-Covid. Në vend të kësaj, ekzistojnë procedura të qarta ligjore përmes të cilave secili person i tillë mund të ushtrojë të drejtën e ankimimit ndaj dënimeve që prentendohet të jenë të kundërligjshme. Çdo tentim për ta fajësuar apo shantazhuar Qeverinë lidhur me këtë çështje s’është asgjë përveçse përpjekje për të përfshirë nivelin qëndror në fushatën e zgjedhjeve lokale nga kryetari aktual e në shërbim të tij”, thuhet në reagim.
Ndryshe kryetari i Gjilanit, shkroi mbrëmë se disa biznese në këtë komunë u ndëshkuan nga “njësitë e Qeverisë”, sipas tij, pa asnjë arsye të qëndrueshme ligjore./arbresh.info/
Regjistrohet rasti i pestë me ethet e Nilit Perëndimor në Ma...
KQZ: 4417 aplikime për t’u regjistruar si votues jashtë Koso...
Como arrin fitoren e parë në Serie A ndaj një kundërshtari t...
Zgjidhni problemin me zbokthin me një veprim
Shkroi koment anti-Kosovë, basketbollisti pejan nuk ia zgjat...
CEFTA, Habeck : Po përpiqemi të gjejmë një zgjidhje për Koso...