Google ADS

Mbrojtja e Salih Mustafës parashtron njoftim për apel ndaj aktgjykimit, Trendafilova cakton panelin

12:06 | 9 Shkurt 2023
Vjollca Gajraku

Mbrojtja e Salih Mustafës, i cili është dënuar me 26 vjet burgim për krime lufte, ka parashtruar njoftim për apel ndaj vendimit të gjykatës së shkallës së parë.

Pas kësaj, kryetarja e Dhomave të Specializuara, Ekaterina Trendafilova, ka caktuar panelin e Gjykatës së Apelit, që do të trajtojë ankesën e tij ndaj aktgjykimit, raporton “Betimi për Drejtësi”.

“Pas dorëzimit të njoftimit (konfidencial) për apel nga mbrojtja e Mustafës më 2 shkurt, kryetarja e DhSK-së caktoi Panelin e Gjykatës së Apelit, të përbërë nga Michele Picard, Kai Ambos dhe Nina Jorgensen, për të vendosur mbi apelin kundër aktgjykimit, të shpallur më 16 dhjetor 2022”, është thënë në njoftimin e gjykatës.

Ndryshe, aktakuza ndaj Mustafës ishte konfirmuar më 12 qershor 2020.

 

Shpërndaje në rrjete sociale

Lajmet më të lexuara

Të ngjashme

Foto lajm