Google ADS

Mblidhen kryetarët e degëve të LDK-së

14:34 | 16 Shkurt 2021
S D

Dy ditë pasi Lidhja Demokratike e Kosovës pësoi humbjen më të thellë në zgjedhjet parlamentare në Kosovë, dhe një ditë pasi për këtë arsye u dorëhoq Kryesia e Partisë, në selinë e LDK-së janë mbledhur kryetarët e degëve.

Në këtë mbledhje do të marrë pjesë edhe Isa Mustafa, i cili dje dha dorëheqje nga pozita e kryetarit të kësaj partie, raporton Arbresh.info.

Përveç Mustafës, para pak minutash në zyrat e LDK-së ka arritur edhe Agim Veliu.

Kujtojmë se kjo mbledhje vjen pas rezultatit të zgjedhjeve të së dielës, ku LDK-ja pësoi humbje të thellë, duke u renditur e treta, raporton Arbresh.info

Ndryshe dje në mbledhjen e kryesisë së partisë Isa Mustafa ka paraqitur para strukturës dorëheqjen nga posti i kryetarit. Pas tij dorëheqje nga dega e tij në Gjilan ka dhënë edhe Lutfi Haziri. Kjo parti ka kohë brenda 60 ditësh që të zgjedhë kryetarin e ri./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm