Google ADS

Mbi 2000 ushtarë të KFOR-it u angazhuan për siguri gjatë zgjedhjeve të 22 tetorit

15:34 | 23 Tetor 2017
Arbresh.info

Forca paqeruajtëse ndërkombëtare në Kosovë, KFOR, ka kontribuar në sigurimin e një mjedisi të qetë dhe të sigurt gjatë ditës së zgjedhjeve lokale që u mbajtën dje.

Përmes një njoftimi, Zyra për Informim e Shtabit Qendror të KFOR-it, pjesëtarët e kësaj force kanë monitoruar vazhdimisht situatën në koordinim të ngushtë me OSBE-në, Policinë e Kosovës dhe EULEX-in.

Sipas njoftimit, dita e zgjedhjeve ishte e qetë dhe shumë mirë e menaxhuar nga të gjithë akterët e përfshirë.

“KFOR-i ka zhvilluar një plan specifik që synon të kryejë detyrat e tij me vendosmëri, me kujdes dhe paanshmëri, duke vendosur më shumë se 2.020 ushtarë, 300 automjete dhe 5 helikopterë, disa prej të cilëve kanë aftësi evakuimi mjekësor. Sipas kërkesës specifike të OSBE-së, KFOR-i gjithashtu ofroi siguri për personelin e OSBE-së në komunat e banuara me serbë në veri të rajonit”, thuhet në njoftim.

Zgjedhjet e ditës së djeshme janë monitoruar edhe nga shumë organizata të ndryshme joqeveritare.

Shpërndaje në rrjete sociale

Lajmet më të lexuara

Të ngjashme

Foto lajm