Mbi 1500 gjoba brenda një jave në Ferizaj, policia konfiskon 22 patentë shofer dhe pesë vetura

09:41 | 27 Maj 2024
E.H

Policia Rajonale e Ferizajt ka ndërrmarrë një sërë aktivitetesh në identifikimin e kundërvajtësve të ndryshëm në komunikacion me qëllim parandalimin e aksidenteve.

Në kuadër të këtyre aktiviteteve, policia rajonale e Ferizajt gjatë javës që shkoi, nga data 20 deri me 26 maj 2024 ka shqiptuar 1515 gjoba kundërvajtëse, ka hequr 22 patentë shoferë për drejtuesit që kanë shkaktuar kundërvajtje më të rënda në komunikacion dhe janë konfiskuar pesë vetura .

Ndërsa, janë raportuar 31 aksidente, prej tyre 15 aksidente me lëndime, 23 persona të lënduar dhe 16 aksidente me dëme materiale.

“Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelojmë tek shoferët që të bëjnë kujdes në komunikacionin rrugor”, thuhet në njoftim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm