Mbappe paralajmëron rivalët e PSG-së: Ky është vetëm fillimi

08:23 | 28 Shtator 2017
Arbresh Info

Kylian Mbappe ka paralajmëruar se nga Paris Saint Germaini do të ketë edhe më shumë pas fitores 3 me 0 ndaj Bayern Munichut të mërkurën.

“Kjo që ndodhi është vetëm fillimi”, është mesazhi nga adoleshenti sensacional Kylian Mbappe pas fitores së Paris Saint Germainit kundër Bayern Munichut në Ligë të Kampionëve, transmeton portali arbresh.info.

Kylian Mbappe, Neymar dhe Edinson Cavani shkëlqyen në fitoren 3 me 0 kundër kampionit të Bundesligas në Paris të mërkurën. Cavani dhe lojtari i transferuar për 222 milionë euro Neymar realizuan pas golit të epërsisë nga Dani Alves.

“Kjo që ndodhi është vetëm fillimi”, ka thënë Mbappe për ‘Canal +’.

“Ne  e dinim në zemrat tona që duhet të shfaqim një performancë të mrekullueshme kundër një ekipi të mrekullueshëm. Ne e bëmë këtë”

“Pritshmëritë ishin të mëdha, që është normale pas merkatos së transferimeve verore si ajo e jona. Ishte një performancë e kompletuar dhe ne duhet të kthejmë vëmendjen te ndeshje e ardhshme të shtunën. Ne jemi këtu për të fituar çdo lojë”

Mbappe ishte asistues i golit nga Edinson Cavani në minutën e 31′./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm