Në Ndërtesën e Qeverisë, u mbajt gjatë ditës takimi i 11-të i Komisionit për Planifikim Strategjik.
Në këtë takim ishte prezent zëvendëskryeministri, Besnik Bislimi, ministrja e Arsimit, Shkencës, Teknologjisë dhe Inovacionit, Arbërie Nagavci, zëvendësministri i Financave, Punës dhe Transfereve, Agon Dobruna, zëvendësministri i Ekonomisë, Getoar Mjeku dhe zëvendësministri i Mjedisit, Planifikimit Hapësinor dhe Infrastrukturës, Jeton Raka.
Përmes një komunikate për media nga Zyra e Kryeministrit bëhet e ditur se në takim u shqyrtuan aplikacionet për raundin e 10-të të granteve investive dhe aplikacionet për raundin e 30-të për grantet e asistencës teknike të Kornizës Investuese të Ballkanit Perëndimor apo WBIF, përcjell Arbresh.info.
Aplikimet janë përgatitur nga ana e institucioneve të linjës, nën koordinimin e Zyrës së Kryeministrit dhe në bashkëpunim të ngushtë me Ministrinë e Financave, Punës dhe Transfereve si dhe me institucionet financiare sponsorizuese të tyre, të cilat do të ofrojnë kredi për realizimin e këtyre projekteve. Ato gjithashtu janë konsultuar edhe me Zyrën e BE-së.
Bislimi prezantoi projektet e propozuara të cilat janë katër aplikime për raundin e 30-të të asistencës teknike dhe dy aplikime në kuadër të raundit të 10-të të granteve investuese.
Këto projekte prekin kryesisht fushat e arsimit dhe infrastrukturës. Propozimet u miratuan nga pjesëmarrësit e tashmë do të vijohet tutje me hapat për aplikimin./Arbresh.info
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...