Komisioni për Çështje Normative, i kryesuar nga Armend Zenelaj, së bashku me Kryesuesin, Zëvendëskryesuesen, anëtarë të Këshillit Prokurorial, U.D. Kryeprokurorin e Shtetit, kryeprokurorë të prokurorive, prokurorë të Zyrës së Kryeprokurorit të Shtetit, prokurorë të prokurorive të vendit, Drejtori i Përgjithshëm i Sekretariatit të KPK-së dhe përfaqësuesja e Ambasadës Amerikane në Prishtinë, janë duke mbajtur një punëtori dyditore në Tiranë.
Sipas njoftimit, qëllimi i kësaj punëtorie është finalizimi i draftit të Rregullores për Zgjedhjen e Kryeprokurorit të Shtetit dhe Kryeprokurorëve dhe Udhëheqësve të Departamenteve të Prokurorive të Republikës së Kosovës, shkruan Arbresh.info.
Që në fillim, Kryesuesi i Këshillit Prokurorial të Kosovës, Ardian Hajdaraj dhe Ushtruesi i Detyrës së Kryeprokurorit të Shtetit, Besim Kelmendi, potencuan rëndësinë e madhe të kësaj rregulloreje, drafti i së cilës është hartuar në përputhje me standardet e larta ligjore.
Gjithashtu, edhe pjesëmarrës të tjerë të kësaj punëtorie, nënvizuan gjatë diskutimeve të tyre se, ky akti normativ do të kontribuojë në rritjen e transparencës dhe integritetit të procesit të zgjedhjes së Kryeprokurorit të Shtetit, kryeprokurorëve dhe udhëheqësve të departamenteve të prokurorive të vendit, duke e bërë atë më të besueshëm dhe të kuptueshëm për të gjitha palët e përfshira.
Drafti i kësaj rregulloreje është publikuar për dëgjim publik në faqen zyrtare të sistemit prokurorial dhe pas finalizimit të tij në këtë punëtori do të procedohet për miratimin në njërin në takimet e radhës së Këshillit Prokurorial të Kosovës./Arbresh.info/
Djathtistët evropianë mbështesin Salvinin para vendimit gjyq...
Me diell dhe vranësira, parashikimi i motit për pesë ditë
Aksidenti në Badoc, Pacolli: Më tronditi shumë humbja e jetë...
Rama nesër nënshkruan kontratën me operatorët privatë të tra...
Tragjedia në Badoc, Kurti: I lus qytetarët që të kenë kujdes...
Bie në kontakt me rrymën, vdes 22-vjeçari nga Zhilivoda e Vu...