Mbahet konferenca ‘Marrëdhëniet gjuhësore e kulturore gjermano-shqiptare’

07:50 | 11 Maj 2017
Arbresh.info

Departamenti i Gjuhës dhe Letërsisë Gjermane i Fakultetit të Filologjisë, në bashkëpunim me Qendrën për Hulumtim ‘Gjermanishtja në Evropën e Mesme, Lindore dhe Juglindore’ nga Universiteti i Regensburgut në Gjermani, do të organizojë Konferencën Ndërkombëtare me titull ‘Marrëdhëniet gjuhësore dhe kulturore gjermano-shqiptare në të kaluarën dhe të tashmen’, e cila do të mbahet sot në Fakultetin e Filologjisë.

Është hera e parë që po organizohet një konferencë e tillë për marrëdhëniet gjermano-shqiptare në rajonin shqipfolës dhe Universiteti i Prishtinës ka nderin që të jetë organizatori i parë i kësaj Konference, në të cilën do të marrin pjesë të gjitha departamentet e gjermanistikës në rajon: Universiteti i Tiranës, i Shkodrës, i Elbasanit, i Tetovës dhe i Prizrenit.

Në Konferencë do të marrin pjesë me punime të ndryshme rreth 35 pjesëmarrës nga vendet gjermanofolëse (studiues të njohur nga Gjermania, Austria, Zvicra, Polonia dhe nga Rumania) dhe nga rajoni.

Shpërndaje në rrjete sociale

Lajmet më të lexuara

Të ngjashme

Foto lajm