Google ADS

Maxhuni takoi eprorët e ri policorë të veriut, flasin për problemet në punë?

10:09 | 16 Mars 2017
Arbresh.info

Drejtori i Përgjithshëm i Policisë së Kosovës, Shpend Maxhuni, ka takuar sot në Prishtinë eprorët e lartë policorë nga veriu, të cilët janë caktuar nga MPB-ja në pozitat udhëheqëse, por që nuk po paraqiten akoma në punë për shkak të kërcënimeve nga serbët lokalë, bëjnë të ditur burime të Telegrafit.

Sipas këtyre burimeve, gjatë takimit i cili u realizua në ambientet e Drejtorisë së Përgjithshme të Policisë së Kosovës, Maxhuni ka kërkuar nga eprorët të njoftohet për së afërmi me shkaqet e mos paraqitjes së tyre në punë dhe kërcënimet eventuale ndaj tyre.

Ndryshe, dje është raportuar se majorët policorë Nenad Simiq, Ivan Aksentijeviq, Sasha Millutinoviq dhe Sreçko Banoviq, të caktuar nga Prishtina në pozitat udhëheqëse të policisë në veri nuk janë paraqitur në punë për shkak të kërcënimeve.

Shpërndaje në rrjete sociale

Lajmet më të lexuara

Të ngjashme

Foto lajm