Ministri i Mbrojtjes, Ejup Maqedonci i ka uruar të gjithë ushtarët, nënoficerët dhe oficerët e Forca e Sigurisë së Kosovës (FSK) me rastin e 27 Nëntorit, “Ditës së Forcës”
Me anë të një videoje, Maqedonci u shpreh se FSK po zhvillohet duke pasur parasysh bazamentin e saj, luftën çlirimtare të popullit tonë dhe rrugën përpara drejt integrimeve euroatlantike, shkruan Arbresh.info.
“Me rastin e 27 Nëntorit, Ditës së Forcës, iu uroj shëndet dhe në veçanti iu roj zhvillim professional dhe personal në karrierën tuaj. Forca e Sigurisë së Kosovës po zhvillohet, ndërtohet dhe profesionalizohet duke pasur parasysh bazamentin e saj, luftën çlirimtare të popullit tonë dhe rrugën përpara drejt integrimeve euroatlantike.’, tha ai.
Tutje, ministri i Mbrojtjes premtoi se FSK do të ketë gjithmonë mbështetjen e Qeverisë.
“Forca e Sigurisë së Kosovës gjithmonë do të ketë mbështetjen e Qeverisë së Republikës së Kosovës në zhvillimin e saj dhe në përgatitjen e saj për të qenë e gatshme për të realizuar misionin e saj për mbrojtjen e territorit të vendit tonë.”, u shpreh ai.
“Urime Dita e Forcës. Urime Dita e Ushtrisë”, përfundoi Maqedonci. /Arbresh.info/
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...