Maqedonci takon Vengun, flasin për thellimin e bashkëpunimit në fushën e mbrojtjes

23:32 | 8 Tetor 2024
E.G

Ministri i Mbrojtjes së Kosovës, Ejup Maqedonci po qëndron në Tiranë me vizitë zyrtare ku është pritur me nderime të larta nga homologu i tij shqiptar, Pirro Vengu.

Me anë të një postimi në Facebook, ai tha se në një pritje të ngrohtë vëllazërore kanë diskutuar për thellimin dhe zgjerimin e bashkëpunimit në fushën e mbrojtjes, shkruan Arbresh.info.

“Ministri i Mbrojtjes së Shqipërisë z. Pirro Vengu vizitën e tij të parë zyrtare pas marrjes së mandatit e kishte realizuar në Republikën e Kosovës, ndërsa sot me ftesë të tij ndodhem në vizitë zyrtare në Tiranë. Në një pritje me nderime të larta ushtarake, të ngrohtë e vëllazërore patëm mundësi që gjatë takimit tonë të diskutojmë për thellimin dhe zgjerimin e bashkëpunimit në fushën e mbrojtjes.”, ka shkruar ministri Maqedonci./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm