Google ADS

Maqedonci priti në takim ambasadorin Abbott, flasin për një plan të përbashkët në fushën e mbrojtjes dhe sigurisë

13:54 | 16 Gusht 2023
E.G

Ministri i Mbrojtjes, Ejup Maqedonci ka pritur në takim njoftues ambasadorin e Mbretërisë së Bashkuar, Nicholas Abbott.

Në këtë takim, ambasadori Abbott i uroi ministrit Maqedonci sukses në detyrën e tij të re dhe theksoi se bashkëpunimi në mes dy vendeve dhe ministrive tona të mbrojtjes do të vazhdojë jetë i fuqishëm, përcjell Arbresh.info.

Ndërkaq, ministri Maqedonci e falënderoi ambasadorin Abbott për përkrahjen e përhershme nga Mbretëria e Bashkuar, si një ndër aleatët më të fuqishëm që ka Republika e Kosovës, sidomos në integrimin e vendit në organizatat euroatlantike.

Në këtë takim u diskutuan edhe tema të interest të përbashkët lidhur me veprimet e nevojshme të për realizimin e planit të përbashkët të bashkëpunimit në fuhsën e mbrojtjes dhe sigurisë, në kuadër të partneritetit në mes dy vendeve.

Po ashtu, u diskutua edhe mbi gjetjen e formave të reja të thellimit të bashkëpunimit./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm