Google ADS

Maqedonci përkujton përvjetorin e masakrës në Tregun e Gjelbërt në Mitrovicë: Drejtësia duhet vendosur

16:14 | 13 Mars 2024
E.G

Ministri i Mbrojtjes, Ejup Maqedonci ka përkujtuar përvjetorin e masakrës në Tregun e Gjelbërt në Mitrovicë.

Ai ka thënë se 13 marsi i vitit 1999, është datë që ka ngelur përjetësisht e fiksuar në mendjen e të plagosurve dhe familjeve që humbën më të dashurit e tyre në këtë masakër, shkruan Arbresh.info.

“128 të plagosurit, në mesin e tyre fërmijë e gra, janë dëshmitarë të këtij sulmi makabër të forcave serbe. Familjarët e të vrarëve Abaz Mecinaj, Ahmet Strana, Elizabeta Hasani, Ragip Bajrami, Rrahim Peci, Sevdije Selani dhe Valdete Strana kanë më tepër se dy dekada që presin të dënohen autorët e këtij krimi, ndërsa fqinji ynë verior vazhdon të luaj rolin e viktimës.”, ka shkruar ai.

Maqedonci u shpreh se mosdënimi i krimeve dhe i kriminelëve nga ana e shtetit serb, fatkeqësisht është tregues i vazhdimësisë së po të njejtit mentalitet mohues që nuk përkon me realitetin.

“Drejtësia duhet vendosur në mënyrë që e kaluara të mos përsëritet.”, ka shkruar ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm