Maqedonci dhe Ndihmës Sekretari i Përgjithshëm i NATO-s flasin për situatën e sigurisë në Kosovë

17:51 | 29 Gusht 2024
E.G

Ministri i Mbrojtjes i Kosovës, Ejup Maqedonci ka pritur sot në Ministrinë e Mbrojtjes, Ndihmës Sekretarin e Përgjithshëm të NATO-s për Operacione, Thomas Goffus.

Sipas njoftimit, gjatë takimit ata kanë shkëmbyer informacione dhe pikëpamje rreth situatës së përgjithshme të sigurisë në Kosovë dhe rajon, shkruan Arbresh.info.

Ministri Maqedonci e ka njoftuar Goffus me zhvillimet në Ministrinë e Mbrojtjes dhe Forcën e Sigurisë së Kosovës dhe e ka falënderuar për mbështetjen që NATO po i jep zhvillimit të Ministrisë së Mbrojtjes dhe Forcës së Sigurisë së Kosovës përmes Ekipit Ndërlidhës Këshillues, si dhe kontributin e KFOR-it në ruajtjen e paqes dhe sigurisë.

Mes tjerash Maqedonci ka theksuar se, Republika e Kosovës qëndron e palëkundur në rrugën e saj drejt integrimit në Organizatën e Traktatit të Atlantikut të Veriut./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm